MAGIC3 總監歐錦豪先生接受《蘋果日報》訪問，內容提及其創業過程及對本港未來創意行業的期望，訪問內容超過10萬人次閱讀。

http://hk.apple.nextmedia.com/news/art/20131129/18528551

棄工程師優差　街頭賣藝　魔術師變出好錢途
 

【本報訊】旺角上周起「殺街」，行人專用區開放時間，從一星期開放七天，縮減至僅周六、日及公眾假期開放。曾以此地作表演平台的魔術師歐錦豪（阿三）慨嘆：「七日變兩日，同冇咗冇分別！」。阿三由街頭表演開始，現時已擁有自己的魔術學校，連宅男女神Miss Hunny也是他的徒弟。
記者：潘婉玲

記者看着三個魔術鋼環，在阿三手中相扣、分開，如此近距離亦看不出破綻，多得行人專用區這個舞台，「當時冇乜人識，我就喺嗰度（旺角行人專用區）練返嚟，玩魔術好需要真嘅觀眾」。

35歲的阿三是行內罕有的高學歷魔術師，2001年中文大學工程學系畢業，當了三年工程師後，突然從team leader變身魔術師，「畢業之前我係一個人，出嚟做嘢我嘅人生就完結咗」。

收 Miss Hunny 為徒
 

事實上，阿三從小愛「玩嘢」，曾以玻璃碎片折射光線整蠱途人，「見到佢地大叫『哎呀！』，覺得好好玩，哈哈！」那些年，朋輩間流行擲水彈，阿三不屑一顧，「點解要玩先？係要我得你唔得，咁先爽㗎嘛，玩你都要重複係好大鑊。」3歲定80，敢於創新的性格從此形成。
其實，阿三中學開始自學魔術，同時參演舞台劇，壓根兒就是表演的料。堂堂工程師，紆尊降貴化身小丑，雙親的強烈反彈，可以預期，「佢哋問『你可唔可以認真啲做人？』」事實上，阿三全情投入，年終無休，當年已月入2、3萬，收入比轉行前更高。
轉行後幾年，表演佔據了阿三的人生，收入大增，卻賠了健康，「我通一晚頂唔瞓，踩到有啲睡意，瞓兩個鐘，即刻起身繼續做，三日內清晒一個星期嘅嘢」。某次舞台劇演出，阿三竟在台上打盹，才驚覺健康已響起警號。
三年前，阿三退居幕後，開設魔術學校，全職當中介及開班授徒，月入六位數，宅男女神Miss Hunny何穎璇亦是其愛徒。魔術班學生中，以追女仔為目的者，大有人在，惟失敗者居多。已有女友的阿三坦言，從沒以魔術追女仔，「根本係下下之策，要娛樂先搵你，咁你咪做咗人隻兵囉！」

http://hk.apple.nextmedia.com/news/art/20131129/18528541

拍《半點收樹》寸無綫
 

【諷刺發牌】
雖已退下火線，阿三依舊熱愛表演，月前拍攝的微電影《半點收樹》，惡搞人氣日劇《半澤直樹》，諷刺發牌風波，繼續玩嘢。電影中，阿三飾演卸膊電視台節目總監，拒絕為低收視負責，又打壓有創意員工，擺明寸爆無綫，阿三的表情、神態學足劇中大奸角大和田常務，十分抵死。

曾當TVB節目顧問
 

別以為他只懂嘻哈笑鬧，談到發牌，頓時一本正經，「梗係支持啦！一定想要多啲平台去表演，（創作）環境重複又重複，係會捽死個表演者，就算想試新嘢，都話『唔得！』，舊嘢行咗咁多年，唔可以質疑，係非常冇癮！作為表演者，係好鍾意面對不同嘅挑戰！」
其實，阿三曾經替無綫魔術表演節目當顧問，夠膽公然得罪「客仔」，除了夠 funny，亦夠 guts！

《半點收樹》資料：